ზოგადი ინფორმაცია

საერთაშორისო სამეცნიერო რეფერირებადი და რეცენზირებადი ჟურნალი „სამართალი და მსოფლიო“ არის სამართლებრივი კვლევებისათვის განკუთვნილი  ღია წვდომის ონლაინ და ბეჭდური სტაბილური პლატფორმა. იგი 2015 წლიდან გამოდის და მსოფლიო მაშტაბით მაღალი სამეცნიერო ღირებულების ნაშრომების გამოქვეყნებას უზრუნველყოფს.

სამართალი და მსოფლიო ევროპის უნივერსიტეტის სამართლის ინსტიტუტის პერიოდულ გამოცემას წარმოადგენს. სტატიები ქვეყნდება სამართლის სფეროს აქტუალურ საკითხებზე. ჩვენ არ გვაქვს პრივილეგირებული სფერო სამართალში, სამართლის ყველა დარგი ჩვენთვის თანაბრად მნიშვნელოვანია.

ჟურნალში გამოქვეყნება შეუძლია მსოფლიოს ყველა ქვეყნის მეცნიერს, რომელიც დააკმაყოფილებს „სამართალი და მსოფლიოს“ მოთხოვნებს.

მიზნები და ამოცანები

ჩვენი მიზანია, სხვადასხვა ქვეყნის სამართლის დარგის მკვლევარებს შევთავაზოთ კონკურენტუნარიანი ნაშრომები, შევქმნათ საერთაშორისო შედარებითი დისკუსიის პლატფორმა სხვადასხვა იურიდიული სუბიექტებისათვის, წარმოვაჩინოთ მაღალი ხარისხის სამართლის სამეცნიერო ნაშრომები და მაქსიმალურად ხელმისაწვდომი გავხადოთ ისინი მსოფლიო სამეცნიერო წრეებისათვის და ნებისმიერი დაინტერესებული პირისათვის.

ჟურნალის ამოცანებია მაღალ რეიტინგულ საერთაშორიო სამეცნიერო გამოცემებს შორის ღირსეული ადგილის დამკვიდრება, საერთაშორისო სამეცნიერო წრეების მიერ აღიარებულ ავტორიტეტულ საერთაშორისო ბაზებში განთავსება, მკითხველთა და ავტორთა საერთაშორისო აუდიტორიის გაფართოება და ჟურნალის პოპულარიზაცია.

საავტორო უფლება

საავტორო უფლებები დაცულია Creative Commons ბაზაში CC BY-SA 4.0 ლიცენზიით. მკითხველს შეუძლია მოქმედი კანონმდებლობის ფარგლებში, თავისუფლად გაეცნოს, ჩამოტვირთოს, ასლი გადაიღოს, გაავრცელოს, ამობეჭდოს, იკვლიოს და გამოიყენოს სტატიის სრული ტექსტი რეგისტრაციისა და გამომცემლის ან/და ავტორის წინასწარი ნებართვის მოთხოვნის გარეშე.

ავტორი ინარჩუნებს საავტორო უფლებას ნაშრომზე და ჟურნალს ანიჭებს პირველადი გამოქვეყნების შესაძლებლობას. სტატიას იმავდროულად ენიჭება Creative Commons Attribution-ShareAlike 4.0 International License. აღნიშნული ლიცენზია იძლევა მისი შემდგომი გამოყენების უფლებას, ავტორისა და თავდაპირველი გამომცემლის მითითებით.

ავტორებს უფლება აქვთ გადაამუშავონ საკუთარი ნაშრომები, თუმცა მათ ევალებათ, რომ ჟურნალი მიუთითონ როგორც პირველადი გამოცემის წყარო.

ღია წვდომა

„სამართალი და მსოფლიო“ სრულად აღიარებს ღია წვდომის პოლიტიკას, იმ მოტივით, რომ კვლევის თავისუფლად ხელმისაწვდომობამ საზოგადოებას ცოდნის უფრო გლობალურად გაცვლის საკითხში შეუწყოს ხელი.

ჟურნალ  ი მკითხველს მსოფლიო მაშტაბით ნაშრომების უფასო, მყისიერ და მუდმივ წვდომას, ხოლო ავტორებს გამოქვეყნებული სტატიების ფართოდ გავრცელებას და მათ საერთაშორისო რეიტინგულ სამეცნიერო ბაზებში და ციფრულ საცავებში განთავსებას სთავაზობს.

ჩვენთან არ არსებობს არანაირი შეზღუდვა წვდომაზე. სტატიები ხელმისაწვდომია როგორც PDF, ასევე HTML და XML ფორმატებში.

ჟურნალი გახლავთ ბუდაპეშტის და ბერლინის ღია წვდომის დეკლარაციის ხელმომწერი მხარე.

ენა

სტატიები ქვეყნდება ინგლისურ, ან ინგლისურ-ქართულ ენებზე.

თითოეული სტატია გადის ტექსტის ენობრივი შესწორების პროცესს.

გამოქვეყნების ღირებულება

ყველა სტატიის გამოქვეყნების საფასურს (APC) ამჟამად ფარავს ევროპის უნივერსიტეტის სამართლის ინსტიტუტი და ავტორს არ მოეთხოვება არაფრის გადახდა.

აღნიშნული გულისხმობს რომ ინსტიტუტი იხდის გამოცემის ყველა ხარჯს, მათ შორის სარედაქციო პროცესებს, ვებ ჰოსტინგს, ინდექსირებას, მარკეტინგს, დაარქივებას, ტექსტების ლინგვისტურ და ტექნიკურ შესწორებას, DOI რეგისტრაციას და უზრუნველყოფს თითოუელი სტატიის სრულად ხელმისაწვდომობას.

შიგთავსის დაცულობა

სამართალი და მსოფლიოს გამოქვეყნებები დეპონირებულია შემდეგ ციფრულ არქივში გრძელვადიანი ციფრული შენახვის გარანტიით: CLOCKSS, Internet Archive, Portico.

ვადები

ჟურნალი გამოდის წელიწადში ოთხჯერ რეგულარულად:

• მარტში (გაზაფხულის გამოცემა);
• ივნისში (ზაფხულის გამოცემა);
• სექტემბერში (შემოდგომის გამოცემა);
• დეკემბერში (ზამთრის გამოცემა).

ელექტრონული ვერსია ოფიციალურ ვებ-გვერდზე აისახება გამოცემის თვის ბოლო რიცხვში, ხოლო ბეჭდური ვერსია შესაძლებელია გამოიცეს მოგვიანებით, მაგრამ არაუმეტეს 10 დღისა ელექტრონული ვერსიის გამოცემიდან.

სპონსორი

ევროპის უნივერსიტეტის სამართლის ინსტიტუტი

სხვა ინფორმაცია

სამართლებრივი კვლევებისათვის განკუთვნილი საერთაშორისო ჟურნალი „სამართალი და მსოფლიო“ info@lawandworld.ge

DOI: doi.org/10.36475/L.A.W.14

ISSN: 2346-7916 (print)

ISSN: 2587-5043 (online)

გამოქვეყნების ღირებულება: უფასო