საერთაშორისო სამეცნიერო რეფერირებადი და რეცენზირებადი ჟურნალი „სამართალი და მსოფლიო“ არის სამართლის მეცნიერთა შრომებისათვის განკუთვნილი სტაბილური პლატფორმა, რომელიც მაღალი ხარისხის ნაშრომების გამოქვეყნებას უზრუნველყოფს. იგი ევროპის უნივერსიტეტის სამართლის ინსტიტუტის პერიოდულ გამოცემას წარმოადგენს.

ჟურნალში ქვეყნდება სამართლის თემატიკის მაღალი სამეცნიერო ღირებულების მქონე აკადემიური ნაშრომები. სტატია შეიძლება მომზადდეს სამართლის თემატიკის ნებისმიერ აქტუალურ საკითხზე. გამოქვეყნება შეუძლია მსოფლიოს ყველა ქვეყნის მეცნიერს, რომელიც დააკმაყოფილებს „სამართალი და მსოფლიოს“ მოთხოვნებს. სტატიები ქვეყნდება ქართულ, ინგლისურ, ფრანგულ, გერმანულ ან ესპანურ ენებზე (ინგლისური რეზიუმეს სავალდებულ თანხლებით).

„სამართალი და მსოფლიო“ სრულად აღიარებს ღია წვდომის პოლიტიკას, იგი მკითხველს მსოფლიო მაშტაბით ნაშრომების უფასო, მყისიერ და მუდმივ წვდომას, ხოლო ავტორებს გამოქვეყნებული სტატიების ფართოდ გავრცელებას და მათ საერთაშორისო რეიტინგულ სამეცნიერო ბაზებში და ციფრულ საცავებში განთავსებას სთავაზობს. ჟურნალი გახლავთ ბუდაპეშტის და ბერლინის ღია წვდომის დეკლარაციის ხელმომწერი მხარე.

საავტორო უფლებები დაცულია Creative Commons ბაზაში CC BY-SA 4.0 ლიცენზიით. მკითხველს შეუძლია მოქმედი კანონმდებლობის ფარგლებში, თავისუფლად გაეცნოს, ჩამოტვირთოს, ასლი გადაიღოს, გაავრცელოს, ამობეჭდოს, იკვლიოს და გამოიყენოს სტატიის სრული ტექსტი.

„სამართალი და მსოფლიოში“ სტატიის გამოქვეყნება, ისევე როგორც ტექსტის ტექნიკური და ლინგვისტური შესწორება არის უფასო.